Wasaaradda Waxbarashada Hiddaha iyo Tacliinta sare ee Jamhuuriyddda Federaalka Soomaaliya, waxay ogeysiineysaa in Imtixaaanka Shahaaddiga ah ee sanad dugsiyeedka 2015 -2016 ee mideysan la qaadi doono maalinta sabtida ah ee 28 /05/2016.
Imtixaannadu waxa ay ka dhici doonaan 47 goobood oo ka tirsan gobolka Banaadir , haddaba ardayda imtixaanka galaya waxay faahfaahinta goobaha imtixaanku ka dhacayso ka heli karaan shaxda hoos ku qoran.
Dalladaha iyo dugsiyada aan wali qaadan ID-yada ama aqoonsiga iyo Roll numberka ay ku galayaan imtixaanka, waxay ka doonan karaan dugsiga Yaasiin Cusmaan ee ku yaalla degmada Boondheere, ka soo horjeedka Daljirka Dahsoon, Sidoo kale waxay ka heli karaan dugsiga 20-ka December ee ku yaalla xaafadda Afisyooni gaar ahaa Jidcaddaha Airport-ka aada.
Liiska-Xarumaha-Imtixaanka-Gobolka-Banaadir
