Guddoomiyaha baarlammaanka maamul-goboleedka Galmudug, Cali Gacal Casir ayaa kaga hadlay xaaladda amni ee magaalada iyo isku dhicii dhawaan ciidamada ay ku dagaalameen magaalada Cadaado, isagoo intaa ku daray in guddi u saaray, shaqaaqada.
Guddiga ayaa xaqiijinaya cidda iska leh mas’uuliyadda shaqaaqada oo ay dad ku dhinteen, kuwa kalena ay ku dhaawacmeen.
Waxaa kale oo guddiga loo xil-saaray, inuu xal kama dambays ah ka gaaro dhacdadaas, si loo soo celiyo kalsoonida iyo wadashaqaynta ciidamada ka howlgala gobolka Galgaduud.
Saddex qof ayaa ku dhimatay, dhowr kalena way ku dhaawacmeen, isku dhac u dhexeeyay labada ciidan oo dhawaan ka dhacay magaalada Cadaado ee xarunta KMG ah ee dowlad-goboleedka Galmudug.
