Qaraamada midoobay ayaa shaca ka qaaday in dadka qaxootiyada ah ee ka barakacay dagaalada ay tiradooda sare u kacday, iyadoo Sanadkii 2015-kii ay dhameyd 65.3 Milyan qof, balse sanadkan gudihiisa ay ku sii siyaadeen 5Milyan kale.
Warbixin uu soo saaray Xafiiska UNHCR ee Qaraamada midooby , ayaa lagu sheegay in 113-kii qof ee Calaamka ku nool, mid ka mid ah uu Qaxooti yahay.
Warbxintu waxay intaa raacisay, in qulqulka xad dhaafka ah ee qaxootigu, uu yahay kii ugu weynaa, laga soo bilaabo tan iyo dagaalkii labaad ee adduunka.
Tirakoobka ay soo saartay Qaraamada Midoobay, oo lagu beegay maalinta qaxootiyada adduunka oo ku beegn berito oo bisha jun ay tahay 21, ayaa sidoo kale lagu sheegay inay tahay markii ugu horeysay ee tirada qaxootiga aduunka ay kor u dhaafaan 60-milyan oo qof.
Warbxintu waxay intaa racisay in Nus ka mid ah 65.3 Milyan, ayay ay ka kala socodaan, dalalka Suuriya,Afganistaan iyo Soomaaliya.
Qaraamada Midoobay, waxay kaloo sheegatay in dalka Jarmalku uu yahay waddanka xiligan qaabila qaxootiyada ugu badan,halka Yurubna mushkilada qaxootiga 86%, ay tagan tahay, iyadoo In ka badan Milyan qaxooti ah sanadkii 2015-kii ,xagga badda ku gleen wadamada Yurub.
Dhanka kale hay’ada socodaalka adduunka (IOM) ayaa iyana isheegay in sanadkii tagay tiro qaxooti ah oo dhan,35Milyan, xagga dhulka ay Yurub ku gaareen.
Diyaariye-Mukhtar
