Safiirka Soomaaliya ee Dalka kenya Amb.Jamal Maxamed Xasan ayaa Kumanan Shacab ah Salaada Ciida kula dukaday Xaafada Islii ee Magalada Nairobi.
Magaalada Nairobi ee dalka Kenya oo si weyn looga dabaal degay maalintii 1 aad ee ciidul fidriga ayaa kumanaan ka mid ah shacabka soomaliyeed ee ku dhaqan kenya waxa ay Salaada Ciida ku dukadeen goobo fagaare ah oo ay ka mid ahaayeen Dugsiga Sare ee Islii Garoonka Burhaan State, Barxadda Weyn ee Sir Ali Club iyo goobo kale oo ku yaala xaafada islii.
Safiirka Soomaaliya ee dalka Kenya Amb.Jamaal Maxamed Xasan ayaa waxa uu shacabka Soomaaliyeed salaada Ciida kula dukaday barxad weyn oo ku taala Dugsiga Sare ee Xaafada Islii.
Ambasador Jamal maxamed xasan Safiirka Soomaaliya ee kenya ayaa hambalyo u diray Jaaliyada Soomaaliyeed ee ku nool kenya isagoona shacabka Soomaaliyeed urajeeyay in ciida kale ay Nabad ku gaaraan.
Safiirka Soomaaliya ayaa Salaada Ciida ka dib waxa uu socod ku maray qeybo ka mid ah wadooyinka Xaafada Islii oo uu shacabka Somaliyeed kala qeyb qaadanayay Hambalyada Munasabada Ciidul Fidriga.
