Ciidanka dowlad goboleedka Koonfur Galbeed oo garab ka helaya kuwa xukuumadda Soomaaliya ayaa Al-shabaab kala wareegay deegaanka Buulo-xaawo oo yaala inta u dhaxeysa Bardaale iyo degmada Qansax-dheere ee gobolka Baay.
Taliye ku xigeenka ciidanka Booliska gaarka ah ee Maamulka Koonfur Galbeed Maxamed Isaaq Cari-Case oo wareysi siiyay warbaahinta ayaa sheegay dagaalka ka dhacayย Buulo-xaawo in ciidanka ay ugu suura gashay in ay la wareegaan deegaankaasi iyo tuulooyin hoostaga.
Related posts
Ciidamada oo aanan la kulmin dagaal sidaa u weyn ayuu sheegay taliye ku xigeenka inay qabsadeen deegaankaasi, kadib markii Al-shabaabkii halkaasi joogay ay isaga carareen.
โSaakay ayaan la wareegnay deegaanka Buulo xaawo wax iska caabin ah oo saas u weyn ma aanan la kulmin waxay awoodi waayeen in ay u babac dhigaan ciidanka koofur galbeed iyo Ciidama xooga dalka Soomaaliya oo ah ciidan diyaarsan,aan ku tilmaami karo in ay yihiin sooma jeestayaalโsdiaas waxaa yiri taliye Maxamed Isaaq.
Taliyaha ayaa ku hanjabay inuu sii socon doono howlgalada ka dhanka ah Ururka Al Shabaab inta deeganada Koonfur Galbeed laga xoreynaayo maleeshiyaadkaย firxadka ah ee Al-Shabaab.
