Xaflad si heer sare ah loo soo agaasimay looguna dabaal dagayay sanad guuradii 1aad ee ka soo wareegatay Maamulka Galmudug oo ay soo qaban qaabiyeen dhallinyarada kasoo jeeda Goboladaas ayaa lagu qabtay magaalada Johannesburg ee Koonfur Afrika.
Xafladda oo ay ka qeybgaleen Madax ka tirsan Safaaradda Soomaaliya ee K/Afrika, Waxgarad, Ganacsato Dhalinyaro iyo Haween ayaa waxaa inta badan loogu hadlayay horumarka uu sameeyay Maamulka Galmudug sanadkii uu dhisnaa,waxaana dhanka kale baaq loogu diray Maamul Goboleeyada kale ee ka dhisan dalka iyo Dowladda federaalka ee Soomaaliya inay iska kaashadaan ammaanka iyo horumarka.
Related posts
Codad Intii ay Xafladda socotay waxaa lasoo bandhgay riwaayad ka turjumeysay Waxqabadka Maamul Goboleedka Galmudug, iyadoo dhanka kalane ay jireen heeso lagu ammaanayay Maamulka.
U qeybsanaha Safaaradda Soomaaliya ee K/Afrika Hidaha iyo Waxbarashada, Cabdi Xalane Xirsi oo ka mid ahaa marti sharaftii ka qeybgashay xafladan ayaa isna dhankiisa baaq u diray dhallinyarada Soomaaliyeed inay u midoobaan sida ay dalka dib u dhiskiisa ka shaqeyaan, waxa uuna sidoo kale ugu baaqay Jaaliyadda Galmudug ee K/Afrika inay sameystaan Hogaan ay ku mideysanyihiin.
“Reer Galmudug waxaan rabaa inaan idiin sheego inaad qeyb ka noqotaan isbedelka, ugu qeybgala xitaa hal Konterner oo Dawo ah u dira”ayuu yiri Cabdi Xalane Xirsi.
Xaflada oo qaadatay saacado badan ayaa kusoo idlaatay jawwi wanaagsan
WD C/qaadir Axad, Johannseburg
