Xabsiga dhexe ee Xamar waxaa ku xiran Maxaabiis aad u fara badan oo loo heysto Dambiyo kala duwan Mudooyinkii dambe-na waxaa xabisga laga dareemayey isbadal weyn oo dhanka horumarka ah, iyadoo Xabsiga laga hirgaliyey Xarumo loogu talo galay in wax ay ku bartaan Maxaabiista ku jirta .
Maxaabiista ku xiran xabsiga dhexe ee Xamar ayaa hadda hela Waxbarasho isugu jirta diini iyo maaddi labadaba Waxaana darruustaasi bixinayo Macalimiin Aqoon durugsan leh oo ka tirsan Ciidanka Asluubta Soomaaliyeed.
S/gaas Bashiir Maxamed Jaamac Taliyaha Ciidanka Asluubta Soomaaliyeed ayaa sheegay in ay horumarinayaan Goobaha waxbarasho ee Xabsiga dhexe ku yaala isagoo tilmaamay in ujeedadoodu ay tahay Maxbuuska markii uu Xabsiga ka soo baxo uu leeyahay Aqoon ama Xirfad uu ku shaqeysan karo.
Maxaabiista Xabsiga dhexe ee Xamar ku xiran ayaa Bogaadiyey isbadallada horumarineed ee ka bilowday gudaha Xabsigaasi, waxaana ay sheegeen in diyaar ay u yihiin Waxbarasho, iyagoo Taliska Ciidanka Asluubta ku amaanay Dadaalka ay ugu jiraan Horumarinta nolosha Maxaabiista .
—Dhammaad—
Madaxa Xafiiska Warfaafinta Taliska Ciidanka Asluubta
C/raxmaan Maxamed Ibraahim(Gacan)
Muqdisho-Soomaaliya
