Madaxweynaha Soomaaliya mudane Xasan Sheekh Maxamuud iyo wefdi uu hoggaaminayo ayaa goor dhoweyd gaaray magaalada Jowhar ee xarunta gobolka Shabeelaha dhexe, isagoo halkaas ka furi doona wajiga labaad ee shirka maamul u sameynta gobolada Hiiraan iyo Shabeelaha dhexe ee gogashiisu taalo magaalada Jowhar.
Wariyaha warbaahinta qaranka ee gobolka Shabeelaha dhexe, Abuukar Maxamed Bacaadle oo hadda ku sugan hoolka shirka uu ka furmi doono ayaa soo sheegaya in madaxweynaha uu hadda ka degay garoonka duyuuradaha ee magaaladaas isla markaana si weyn halkaas ay ugu soo dhaweeyeen qeybaha kala duwan ee bulshada ku dhaqan gobolka Shabeelaha dhexe gaar ahaan magaalada Jowhar.
Related posts
Ergada ka qeybgalaysa shirka ayaa waxaa ay ku soo aruureen hoolka shirka loogu talagalay, iyadoo sidoo kale, ammaanka magaalada Jowhar si weyn loo adkeeyay isla markaana ciidmada amniga ee dowladda Soomaaliya sida booliis, nabad sugid iyo militiri oo kaashanaya AMISOM ay xaqiijinayaan amniga magaalada Jowhar ee xarunta gobolka Shabeelaha dhexe.
