Mareykanka oo duqeyn ku dilay Horjooge ka tirsanaa kooxda Daacish

Dowladda Mareykanka ayaa shaacisay in horjooge sare oo ka tirsanaa kooxda mintidiinta ah ee Daacish ay ku dileen duqeeyn dhinaca cirka ah.

War ka soo baxay waaxda Gaashaandhigga Mareykanka ee Pentagon-ka ayaa lagu sheegay in duqeyn cirka ah lagu dilay horjooge ka tirsan Kooxda Daacish. kaasoo magaciisa lagu sheegay Wa’il Adil Hasan Salman al-Fayad waxaana sidoo kale ninkan loo yaqaanay Dr. Wa’il.

Related posts

Taliyaha Ciidanka XDS oo ka qeybgalay Munaasabadda Maamuuska Leyli Saraakiisha & Leyli Saraakiil xigeen ee CXDS

July 14, 2026

𝐖𝐀𝐒𝐈𝐈𝐑𝐊𝐀 𝐇𝐀𝐖𝐋𝐀𝐇𝐀 𝐆𝐔𝐔𝐃 𝐗𝐅𝐒 𝐎𝐎 𝐃𝐇𝐀𝐆𝐀𝐗-𝐃𝐇𝐈𝐆𝐀𝐘 𝐌𝐀𝐒𝐇𝐑𝐔𝐔𝐂 𝐇𝐎𝐑U𝐌𝐀𝐑𝐈𝐍𝐄𝐄𝐃 

July 13, 2026

Horjoogahan ayaa lagu dilay 7-dii bishan meel ku dhow magaalada Raqqa ee dalka Suuriya, waxaana dilkiisa loo adeegsaday duqeyn cirka ah oo ay fuliyeen diyaaradaha duuliye la’aanta ah..

Sidoo kale horjoogahan ayaa kooxda Daacish u qaabilsanaa ahaa dhinaca Warfaafinta, waxaa kaloo uu isku duba ridi jiray muuqaallada ay ku soo bandhigi jireen dilalka.

Horjoogahan la dilay ayaa la sheegay inuu xiriir dhow la lahaa Abuu Mohamed Al-Adnani oo bishii la soo dhaafay isna lagu dilay duqeyn cirka ah.

Mareykanka ayaa sheegay in dilalka noocan ah ee loagu qaaarijinayo horjoogayaasha kooxda uu sii wiiqi doono  dagaallada ay kooxdan ka waddo Ciraaq iyo Suuriya.