Maxkamadda caalamiga ah ee cadaaladda (ICJ) ee ku taala magaalada Hague ee dalka Holland ayaa maanta si rasmi ah uga furantay dhagesiga dacwada badda Soomaaliya ee u dhaxeysa labada dal Soomaaliya iyo Kenya.
Dhageysig dacwaddan oo socon doonto muddo afar maalmood ah, waxay maxkamaddu maaanta dhageysatay dooda ay dawladda Kenya ka qabto dacwadda.
Warku wuxuu intaa ku daray in berito ay maxkamddu dhageysan doonto waxay ay Soomaaliya ka qabto iyo cadeynaha ay horgeynayso maxkamadda Hague ee la xiriira muranka badda Soomaaliya.
Labada dalba waxaa maxkamada ku matalaya ama uga doodaya sharci yaqaano shisheeye!
Dhanka kale, Madaxweynaha Soomaaliya Mudane Xasan Sheekh Maxamuud ayaa sheegay in aanay marnaba ka tanaasuli doonin hal taako oo ka mid ah badda Soomaaliyeed in la qaato.
Wuxuuna cadeeyay inuu kalsooni badan ku qabo inay Soomaaliya guulaysanayso, isagoo u xaqiijiyay shacabka Soomaaliyeed in Badda ay tahay hanti qaran oo aan marnaba gor-gortan geli doonin.
Taajirow
