Magaalada Jowhar ee xarunta gobolka Shabellaha dhexe waxaa maanta isugu tagay xubnaha Baarlamaanka maamulka Hirshabelle, oo dhismahiisa uu ka socdo magaaladaasi.
Xubnaha ayaa hoolka shirarka ee magaalada Jowhar kula kulmay gudiga matalaya wasaaradda arimaha gudaha iyo federaalka ee hagaya hanaanka farsamo ee shirka, iyaga oo isla meel dhigay sii wadidda shirka si loogu gudbo qeybaha kale ee wali ka harsan shirkaasi.
Xildhibaanada baarlamaanka maamulka cusub oo wali aan si rasmi ah loo shaacin tiradooda ayaa wariyaheena C/shakuur Cali Axmed oo jooga magaalada Jowhar, waxa uu soo sheegayaa in qorshuhu uu yahay in maanta la xareeyo xildhibaanada si maalinta barito ah loo dhaariyo.
Mas’uuliyiinta wasaardda arrimaha gudaha iyo federaalka Soomaaliya ayaa dadaal ugu jira in la dhameystiro dhismaha maamulka Hirshabelle oo iminka howshiisu ay mareyso meel gabo gabo ah.
