Shir ay wada yeesheen Barlamaanada Afrika iyo Carabta laguna qabtay magaalada Sharma Sheikh ee Dalka Masar, ayaa waxa ay labada Barlamaan ka wada hadleen arimo ay ka mid yihiin iskaashiga kheyraadka dabiiciga iyo xiriirka Caalamiga,waxa ay dhinac kale diiradda saareen amaanka Dalalka labada Qaaradood.
Gudoomiyaha Barlamaanka Afrika,Roger Nkodo oo Shir gudomoominayay oo warbixin ka jeediyay waxa uu sheegay in kulamo iyo xiriiro badan ay la sameeyeen Ururada iyo Dowladaha daneeya inay iskaashi la sameyaan Wadamada Afrika.
Xildhibaan Maxamed Cumar Dalxa oo ah mudane baarlamaanka Soomaaliya uga mid ah Jaamacada Carabta oo ka qeybgalay shirka iskaashiga ayaa sheegay in ay tahay muhiim in dunida wax loola qeybsado.
“Waxaa loo baahanahay in dunida wax lala qeybsado iskaashina lala sameeyo Barmaanada Caaliga ah ee Dowladaha Aduunka.
Sidoo kale Xildhibaanada u matalaya Dalka Jabuuti ayaa iyagane dhankooda sheegay in kulankan ay kasoo baxeen waxyaabo la taaban karo oo muhiim u ah labada dhinac.
Xildhibaanad Safiya Cilmi Jabril oo ah Gudoomiye ku xigeenka Labaad ee Baarlamaanka Pan Afrika oo doodaas ka qeyb qaadaneysay ayaa sheegtay iyadoo ku hadleysay magaca Dowladda Jabuuti oo ay matasho inay garabsiinayaan dowlada Suudan ayna ka qeyb qaadanayaan sidii loo badabaadin lahaa haweenka iyo caruurta ay saameenta ku yeelatay xayiraada reer gablbeedka ee dalka Suudaan.
Shirka Barlamaanka Afrika oo todobaadkan ka furmay magaalada Sharma Sheikh ee Dalka Masar ayaa loogu hadlay arimo khuseeya Qaaradda iyadoo ay jireen kulamo badan oo ay wada qaateen Barlamaanada Afrika iyo Carabta u matalaya Dalalkooda.
