Wafdiga oo uu hogaaminayo Madaxweynaha dowlad goboleedka Hirshabeelle Cali Cabdullaahi Cosoble oo ay wehliyaan Madaxweyne ku xigeenka Cali Cabdulaahi Xuseen Cali Guudlaawe iyo Xildhibaanno ka tirsan Hirshabeelle waxa ay ku tegeen deegaanka Ceel-Cadde iyo sidoo kale deegaanka Ceel Macaan oo katirsan gobolka Shabeellaha Dhexe.
Wafdi ayaa markii ay gaareen deegaanka Ceel Macaan, waxay ay halkaasi kula kulmeen qeybaha bulshada ee halkaasi ku nool, iyadoo ujeedka socdaalkooda ay la xiriirtay u kuurgelidda xaaladda amni iyo tan bulsho ee halkasi ka jirta, isla markaana ay u soo indho indheyn lahaayeen Dekada macmalka ah ee Ceel Macaan oo aan iminka shaqeynin.
Related posts
Kulanka kadib ayuu Madaxweynaha Hirshabeelle waxa uu hoosta ka xariiqay inay dib u howlgelinayaan dekadda Ceel Macaan, si dhaqaalaha ka soo xarooda lagu horumariyo deegaannada Maamulka.
Sidoo kale Wafdiga waxa ay socdaal ku soo mareen garoonka diyaaradaha Cisilieey ee ka tirsan Gobolka Shabeellaha Dhexe, halkaasi oo ay ku sheegeen inay dib u habeyn ku sameyn doonaan garoonka, si loo soo celiyo adeegyadii uu garoonkaasi qaban jiray.
