Waxaa dalka Mareykanka ku sii baahaya rabshadaha cunsuriyadda laxiriira iyo banana baxyada ay dhigayaan dadka ka soo hor joeeda faquuqaasi oo ay wadaan qaar kamid ah bulshada cadaanka ah ee Mareykanka.
Dad gaaraya Kumannaan qof ayaa mudaharaad kala hortagay kooxo cunsuriyiin ah oo dibed bax ay ugu magac dareen “Xoriyadda Hadalka” ka dhigay magaalada Boston ee dalka Maraykanka kuwaasi oo ku dhawaaqayay hal ku dhigyo ka dhan ah naceybka.
Related posts
Ciidamo katirsan Booliska magaalada Boston ee dalka Mareykanka ayaa isku dayaya in ay ka hoprtagaan rabshadahaasi,iyago ukala dabqaadaya Kooxaha cunsuriyiinta oo tiradoodo ay koobneyd iyo kumanaan qof oo kale kuwaasi oo isugu jira qeybaha kaladuwan ee bulshada Mareykanka oo diidan falalkaasi guracan ee nacybka ku dhisan.
Xiisad salka ku haysa cunsuriyadda ayaa ka taagan qeybo ka mid ah Maraykanka, ka dib dibed baxyadii dhiigu ku daatay ee maalmo ka hor ka dhacay magaalada Charlottesville ee gobolka Virginia.
Wargeyska Boston Herald ayaa sheegay in dibed baxan ka dhanka ah cunsuriyadda ay ka qeyb qaateen ku dhawaan 30,000 oo qof.
Rabshaddii ka dhacay Charlottesville ayaa ka dhalatay markii dad caddaan cunsuriyiin ah oo diiddan duminta taallo ay gacanta ula tageen dad kasoo horjeeda.
