Wasiirro iyo Xildhibaanno ka tirsan Dawlad Goboleedka Galmudug iyo Maamullada Caabudwaaq iyo Xeraale ayaa ka wada hadlay Xaaladda nololeed ee dadka ku barakacay Dagaalladii dhawaan ka dhacay Magaalada xeraale.
Maamullada Magaalooyinka Caabudwaaq iyo Xeraale ee waqooyiga Gobolka Galgaduud ee Galmudug ayaa yeeshay kulan looga hadlayay xoojinta xiriirka Nabadgalyada iyo isdhexgalka Bulshada kaasi oo ka dhacay magaalada xeraale.
Related posts
Kulankaasi waxaa ka qayb galay Wasiiro iyo Xildhibaano ka tirsan Dawlad Goboleedka Galmudug iyo qaybaha kala duwan ee Bulshada, iyadoo looga hadlay saamaynta dagaalladii dhacay ay ku yeesheen dadkii daganaa Magaalada Xeraale kuwaasi oo intooda badan waqtigaan wali dibad joog ku ah Deegaannadii ay ku ย barakaceen.
Gudoomiyaha Magaalada Xeraale Bashiirย Daahir Yuusuf ayaa ku soo dhaweeyay Xeraale wafdigan oo isugu jiray Xubno ka tirsan labada Gole ee Dawlad Goboleedka Galmudug iyo Maamulka degmada Caabudwaaq.
Nabadoon Maxamuud Macalin Xasan iyo Xaawo Xuseen Abiikar oo ka mid ah Bulshada Xeraale ayaa ka hadlay Saamaynta uu ku yeeshay Dagaalkii Xeeraaleย eeย dhex maray Shacabka deegaanka iyo Maamulka Ahlusunna
Gudoomiyaha degmada Caabudwaaq Mahad Cumar Cilmi ย ayaa ku baaqay in laga qayb laga qaato wax u qabashada dadka ku barakacay Colaadii ka dhacday magaalada Xeraale.
Ugu dambayn ayaa waxaa ย soo xiray Kulankan Xildhibaan Cabdiqani Aadan gargaar oo ka tirsan Baarlamaanka galmudug iyo Wasiirka Diinta iyo Awqaafta Ee Dawlada Galmudug Mudane Mursal Cabdiraxmaan.
