Akhrisyaasheena Sharafta badan waxaan halkani idiin ku soo gudbineynaa Sawirada Munaasabadda Caleema Saarka Madaxweynaha Labaad ee Dowlad Goboleedka Hirshabelle Dr Maxamed Cabdi Waare oo shalay lagu qabtay Magaalada Jowhar, taasi oo ay ka qeyb galeen Madaxda Dalka oo uu ugu horeeyo Ra’isul Wasaaraha Jamhuuriyadda Soomaaliya mudane Xasan Cali Kheyre, Guddoomiyaha Golaha Aqalka Sare Cabdi Xaashi, Madaxda Maamul goboleedyada dalka ka jira, iyo Mas’uuliyiin kale oo badan.
Madaxweynaha Dowlad Goboleedka Hirshabelle Dr Maxamed Cabdi Waare ayaa kaga mahadceliyay dhamaan Mas’uuliyiintii iyo marti sharaftii ka qeyb gashay munaasabadaasi ee waqtigooda qaaliga u soo huray misana safar u soo galay ka qeyb galka munaasabadaasi caleema saarka, “Waxaan kun mar oo malaayiin ah kaga mahadnaqayaa madaxdii ka soo qeyb gashay munaasabadaasi iyo marti sharftii, waxaan sidoo kale aan u mahadcelinayaa kuna ammaanayaan Ciidamada Ammaanka iyo Amisom, sida howlkarnimada ay u xaqiijiyeen amniga” Sidaasi waxaa yiri Madaxweyne Waare.
Xafiiska Warfaafinta Iyo Xiriirka Dadweynaha Madaxtooyadda Dowlad Goboleedka Hirshabelle.
