Dowladda Yugaandha ayaa sheegtay iney diyaarisay 5,000 oo Ciidamo ah, kuwaas oo ka qayb qaadan doona howlgalka lagula dagaallamayo Ururka Al-shabaab ee Soomaaliya.
Afhayeenka Ciidanka xoogga ee Dalka Yugaandha Janaraal; Richard Karemire ayaa sheegay inay dowladdoodu direyso xoogag hor leh balse ay beesha caalamku kaga baahan yihiin taageero.
Dhawaan ayay ahayd markii uu Madaxweynaha Soomaaliya Maxamed C/laahi Farmaajo ku dhawaaqay dagaal cusub oo ka dhan ah Argagixisada Al-Shabaab, isagoo safarro ku tagay Dalalka ay Ciidamada Nabad ilaalinta AMISOM ka joogaan Soomaaliya si loo dardar geliso soo af-jaridda haraadiga kooxda Al-Shabaab.
Xigasho:SONNA
