Gudoomiyaha Gobolka Banaadir ahna Duqa Muqdisho Taabit Cabdi Maxamed oo uu wehliyo Wakiilka Qaramada Midoobey u qaabilsan qaxootiga Aduunka Filippo Grandi ayaa galabta Dhagax Dhigay Dugsiga Dheere Xaaji Dheere oo Laga Hirgeliyay Degmada Xamarweyne ee Gobolka Banaadir
Guddoomiye Thaabit oo ka hadlay goobta dhagax dhiga ayaa sheegay in Dugsiga Dheere Xaaji Dheere ardayda wax ugu baran doonaan si lacag la’aan ah,islamarkaana mushaarka macalimiinta ay bixinayaan maamul Gobolka Banaadir.
Wuxuu sheegay in Dugsigaan magacii hore loo yaqaanay ee Xamarweyne uu ka bedelay Madaxweyne Farmaajo isla markaana loogu Magacdaray halgamaa ka tirsanaa 13,kii Dhalinyaro ee SYL ee Dheere Xaaji dheere.
Guddoomiyaha Gobolka Banaadir ahna Duqa Muqdisho oo sii hadlayay ayaa yiri” in tani ay fursad u siin doonto carruurta Soomaaliyeed iney waxbartaan”,
Ugu danbeyntii,Guddoomiyaha Gobolka Banaadir ahna duqa Muqdisho Thaabit Cabdi Maxamed ayaa balan qaaday in dhawaan dib u dayactir lagu sameyn doono iskuulo ku yaalo magaalada Muqdisho,kuwaasi oo ku bur buray dagaaladii sokeeye.
