Warar naga soo gaaray xaafada Khaliija ee magaalada Cape Town waxaa ay sheegayaan in daqiiiqado ka hor halkaasi lagu dilay muwaadin Soomaali ah oo lagau magacaabi jiray Abuubakar Macalin Xasan oo ka mid ahaa ganacsatada sida weyn looga yaqaano deegaankaasi.
Koox burcad ah oo dooneysay in ay dhac u geystaan muwaaadinkaan ayaa la sheegay in ay ku sugeysay banaanka hore ee goobtiiisa ganacsiga isagoo xiligaasi keenay adeeg uu ka soo iibiyay magaalada, waxaana wararku sheegayaan in markii uu soo istaagayba iridka hore ee dukaankiisa rasaasta lagu dhuftay .
Burcadda dilka geystay ayaa goobta ka baxsatay waxaana ay dhac u geysteen goobta ayaga oo ka qaatay lacago iyo alaabo kale oo fudfud sida kaararka telfoonada lagu shufto.
Ciidamada Police-ka ayaa halkaasi soo gaaray waxaana la sheegay in ay bilaaben baaritaano ku aadan sidii ay ganacnta ugu soo dhigi lahaayeen kuwii ka dambeysay dilka Abuubakar Macalin Xasan,
Dilka marxuunkaan ayaa waxaa uu ku soo aadaya xilli wali uu yaalo ispitaalka magaalada Cape Town meydka marxuum C/laahi Macalin Cali oo maalin ka hor lagu dilay magaalada Cape Town sida uu ii sheegay gudoomiyiyaha Save Soomaali Cabdi Calas Maxamuud guure.
Sanadka cusub oo sii maraya maalinti Afaraad ee bisha Janaayo ayaa tirada Soomaalida lagu dilay dalka South Africa waxaa ay sii marayaan ilaa laba Ganacsade oo Soomaali ah.
