Muqdisho- 05-2-2018 Guddoomiye ku-xigeeka 1aad ee Amniga iyo Siyaasadda Gobolka Banaadir Mudane Maxamed Cabdullahi Maxamed ayaa kormeer shaqo ku tagay 4-ta degmo ee ee Qeyta Waliyow Cadde ee Gobolka Banaadir, isagoo kormeerkiisa ka bilaabay Degmada Waaberi ee Gobolka waxaana halkaasi uu kula kulmay madaxda Maamulada Degmooyinka shir looga hadlayay xaaladaha amniga, Diriseynta iyo Baahiyada Adeegyada Aasiga ah ee ka jira Degmooyinka Hodan, Howl-Wadaag, Xamar Jajab iyo Waaberi oo isku ah Qeybta Waliyow Cadde ee Gobolka Banaadir.
Guddoomiyaasha Degmooyinka, Taliyaasha qeybta, Taliayaasha Saldhigyada, Lataliyaasha Amniga iyo Siyaasadda iyo Agaasimeyaal ayaa ka qeyb galay kulanka iyo kormeerka shaqo, waxaana ay Guddoomiye Tuulax isdhaafsadeyn xogta Degmooyinka iyo baahyada ka jira.
Guddoomiye ku xigeenka 1aad ee Amniga iyo Siyaasadda Mudane Maxamed Cabdullaahi Maxamed (Tuulax) ayaa u balan qaaday xubnaha shirka ka qeyb galay in Maamulka Gobolka Banaadir uu wax weyn ka qaban doono caqabadaha ay soo gudbiyeen Maamulada degmooyinka.
Guddoomiyaha ayaa waxaa uu booqasho ku tagay dhammaan Xarumaha Degmooyinka Hodan, Howl-wadaag, Xamar Jajab, iyo Waabari, waxaana uu Xog-wareystay Masuuliyiinta iyo Shaqaalaha Xafiisyadda Hanaanka Shaqada Degmooyinka Gaar ahaan Amniga iyo Dariseynta, waxaana uu ku booriyay in ay sii laba jibaaraan howlaha ay bulshada u hayaan.
Intii uu ku jiray Kormeerka waxaa uu Guddoomiye Tuulax uu la kulmay dhallinyaro kubadd ku ciyaareysa Garoonka Degmada Hodan, kuwaas oo uu la qaatay watigooda, lana cayaaray kubadda Kolleyga oo ay ku guda jireyn, waxaana dhallinyarada ay uga mahadceliyeen sida uu u farxad geliyay Guddoomiyaha.
ย DHAMMAAD
ย Xafiiska Warfaafinta Gobolka Banaadir.
Muqdisho-Soomaaliya.
Abdifatah Arizona
