Hal Qof oo rayid ah ayaa ku geeriyooday Laba kalena dhaawacyo ayaa kasoo gaaray rasaas ay ciidamada ammaanka ee Dalka Koongada Dimoqraaddiga ku fureen Dad dibed baxyo dhigayay oo ka soo horjeeday xukunta dheeraaday ee Madaxweyne Joseph Kabila.
Wadaaddada Diinta kiristanka ayaa ku baaqay inuu Madaxweynuhu si nabad gelya ah u banneeya xilka, taasoo dhalisay inay Ciidamadu isku gedaamaan kaniisadaha Dalka, iyagoo xidhay Waddooyinka waaweyn ee Caasimadda.
Related posts
Muddaharaadyadan rabshadaha wata ee lagaga soo horjeeda Madaxweynaha oo soo billoowday Axaddii hore ayaa waxaa ku Naf waayay ku dhawaad 10 Qof, iyadoo tiro intaa ka badanna ay ku dhaawacmeen.
Joseph Kabila ayaa dabayaaqadii Sanadkii 2016-kii ballan qaaday inuu qaban doono Bisha December ee 2017-ka doorashooyin xor ah, balse shakigan cusub ee soo wajahay shacabka ayaa yimid markii xilli kale dib loo dhigay doorashooyinka.
Madaxweyne Joseph Kabila ayaa xilka soo hayay tan iyo Sanaddii 2001-dii, wuxuuna wakhtigiisa ka dhamaanayey Bishii December ee 2016-kii, iyadoo Dastuurka dalkaasina uu u diiday inuu mar Saddexaad u tartamo xilka.
Xigasho:SONNA
