33 Qof ayaa ku dhaawacmay shil Diyaaradeed oo Talaadada Saakay ah ka dhacay Dhabbaha Gegida Diyaaradaha ee Joma Kenyatta International Airport.
Shilkan ayaa yimid markii uu mid ka mid ah Baabuurta ka shaqysa gudaha Garoonka uu si kedis ah ugu dhacay xagga dambe ee Diyaaradda oo xilligaasi isku diyaarineysay duullimaad.
Madaxda Madaarka ayaa warbaahinta u sheegay in 30 ka mid ah Dadkii uu dhaawaca soo gaaray ay imminka xaaladdoodu wanaagsan tahay, halka Saddexda kalana lagu dabiibayo Cuspitaalka.
Diyaaraddan oo ay lahayd shirkadda duullimaadyada ee Kenya Airways ayaa kusii jeedday Magaalada Bangkok ee Caasimadda Thailand, waxanay masuuliyiintu sheegeen in la beddelay jadwalkii duulimaad ee ku tagi lahayd Bankok.
Shaqaalaha iyo Rakaabka Diyaaradda ayaa Khad bilaash ah laga siiyay gudaha Madaarka JKIA, si ay ula xiriiraan qaraabada iyo saaxiibbadooda ka walaacsan xaaladda soo wajahday.
Wadihii Gaariga ku dhacay Diyaaradda ayaa Xabsiga loo taxaabay, waxaana soconaya baaritaanno la xiriira sababta dhalisay shilka.
Isha/ The Star
