Kalfadhiga 4-aad Kulankiisa 19-aad ee golaha shacabka ,waxaa maanta looga hadlay wax ka bedelka Xeer hoosaadka Golaha Shacabka oo ay maanta mar kale ka doodeen Xildhibaanada Golaha iyo sidoo kale qeybinta ย Mashruuc sharci ku saabsan xuquuqda Liil tirka (Dheyma nololeedka) siyaasiyiinta dowladda Federaalka Soomaaliya.
Related posts
Guddiga Xeer-Hoosaadka, Anshaxa, Xasaanada iyo Daryeelka ee Golaha Shacabka ayaa Xildhibaanada oo mar kale golaha horgeeyay xeer hoosaadka ayaa Xildhibaanada u faah faahiyay qodobada wax ka bedelka lagu sameeyay.
Kulanka oo uu shir Guddoominayay Guddoomiyaha Golaha Shacabka Mudane Maxamed Mursal Sheekh Cabdiraxmaan ayaa Xildhibaanada golaha waxa ay qodob qodob uga doodeen xeer hoosaadka Golaha Shacabka oo wax ka bedel lagu sameeyay,waxayna qodobo ay ka mid yihiin xasaanada Xildhibaanada, masโuuliyada shir Guddoonka iyo saameynta Guddoonka golaha ay ku yeelan karto guddoominta kulamada golaha hadii mooshin ama soo jeedin laga keeno aad uga doodeen xildhibaanada golaha shacabka,waxayna xildhibaanada qaarkood ay soo jeediyeen in aad loogu fiirsado qodobada qaar ee ku jira inta aan la ansixin ka hor.
Guddoomiye ku-xigeenka labaad ee Golaha Shacabka Mudane Mahad Cabdalla Cawad oo kulanka soo xiray ayaa uga mahad celiyay xildhibaanada ka doodista xeer hoosaadka golaha iyo talooyinka ay guddiga ku biiriyeen, isagoo sheegay in dooda ay sii socon doonto.
โโMudanayaal waqtiga aan sharciga u lahayn ka badan ayaa maanta shaqeynay, waana idiin kaga mahad celinaya sida wanaagsan ee aad dooda ugu qeyb gasheen iyo sida aad usoo bandhigteen talooyinkiina, runtii wax ka badal xeer hoosaad ma ahan howl yar dooduna way noo sii socon doontaa si xeer lagu wada qanacsan yahay aan iskula ansixinoโโ ayuu yiri Guddoomiye Mahad.
Sidoo kale Xildhibaanada Golaha ayaa loo qeybiyay Hindise sharciyeedka hayโadda naafada Qaranka Soomaaliya oo aqrintiisa labaad mari doona iyo mashruuc sharci ku saabsan xuquuqda Liil-tirka (dheyma nololeedka) siyaasiyiinta dowladda federaalka Soomaaliya.
