Wasiiru Dawladdaha Wasaaradda Waxbarashada, Hiddaha iyo Tacliinta Sare ee DF Soomaaliya Cabdiraxmaan Maxamed Cabdulle iyo Wafdi uu Hogaaminayo oo Booqasho Shaqo ku jooga dalka Turkiga ayaa kulamo kala duwan la yeeshay Madax iyo Masuuliyiin ka tirsan Dawladda Turkiga, waxaana Kulamada ku weheliyey Safiirka Soomaaliya ee Turkiga Jaamac Cabdullaahi Caydiid iyo u Qeybsamaha Safaaradda Soomaaliya Arimaha Tacliinta , Hiddaha iyo Dhaqanka Cabdicasiis Cabdiraxmaan.
Related posts
Wafdiga Wasiiru Dawlaha ayaa Kulamo kala duwan la yeeshay Wasiirka Waxbarashada ee dalka Turkiga, Madaxda Hayโadda Tacliinta Sare ee Turkiga oo magaceeda loo soo Gaabiyo (YOK) iyo Masuuliyiinta Heyโadda Arimaha Diinta u qaabilsan Dawladda Turkiga.
Mudane Cabdiraxmaan ayaa sheegay in guulo laga gaaray Kulamada uu la yeeshay masuuliyiinta kala duwan, wuxuuna uga Warbixiyey Wasiirka Waxbarashada ee Turkiga Xaalada Waxbarasho ee Soomaaliya iyo Siyaasaadda iyo Qorsheyaasha Wasaarradda Waxbarashada , Dhaqan gelinta Heshiisyadii hore loo galay iyo Sidii Ardayda Soomaaliyeed looga Faaโiidayn lahaa Deeqaha Waxbarasho ee Turkiga.
Kulanka uu la yeeshay Heyโada Tacliinta Sare ee Turkiga ayaa sidoo kale waxaa kasoo baxay goโaano miro-dhal ah, iyadoona Xal looga gaaray Culaysyo soo Wajahay Arday Soomaaliyeed ee ku sugan dalka Turkiga.
โRuntii Kulankeena wuxuu ahaa mid xooga saarayay Ardayda Soomaaliyeed, Guddoomiyaha Heyโadda Tacliinta Sare waxaanu ka wada hadalnay Sidii loo wada shaqayn lahaa Arrimaha Tacliinta Sare, Maadama ay dalkeena ka jiraan Jaamacaddo badan, Waxaana isla garanay in Ardayda hadda ku sugan Turkiga ee Waxbarashadu ka istaagtay, oo gaaraya ilaa 50-Arday in loo Ogolaado inay sii dhigtaan Jaamacaddaha Turkiga inta la soo cadeynayo Jaamacaddaha ay ka soo baxeen, waxaana Arintan loo yeelay Soomaalida oo keliyaโ ayuu yiri Wasiiru Dawladdaha Wasaaradda Waxbarashada DF Cabdiraxmaan Maxamed Cabdulle.
Wariyaha Warbaahinta Qaranka ee Dalka Turkiga Axmed Cabdiqaadir Ismaaciil (Axmed Darwiish) ayaa sheegay in ugu dambayntii Wafdiga DFS ay kulan la yeeshay Heyโadda Arimaha Diinta u Qaabilsan dalka Turkiga, Waxayna si gaar ah uga wada hadleen qeybta ka khusaysa Wasaaradda Waxbarashada oo ku aadan Dugsiyadda Ardayda lagu Barro Culuumta Diinta.
