Munaasabad kooban oo lagu qabtay Xarunta Bankiga dhexe ee Somaaliya ayuu maanta xilka kula wareegay Guddoomiyaha Cusub ee Bankiga Dhexe, iyadoo ay goob-joog ka ahaayeen Wasiirka Maaliyada Xukuumadda Soomaaliyaย Cabdiraxmaan Ducaale Bayle ย iyo Hanti dhowrka guud Qaranka .
Related posts
Guddoomihii hore eeย Bankigaย Bashiir Ciise oo ka hadlayay ย waxyaabihii usoo qabsoomay Bankiga dhexe sanadiihi lasoo dhaafay ayaa sheegay in haatan uu marayo xiligii ugu haboonaa maadaama Dhaqaalaha Dalka uu marayo dib u kabasho, sido kale wuxuu bogaadiyay guddoomiyaha cusub asigoo uga baryay alle inuu xilka u fududeeyo.
Guddoomiyaha Cusub ee Bankiga Dhexe Cabdiraxmaan Maxamed Cabdullaahi ayaa uga mahadceliyay Shaqadii usoo qabtay guddoomiye Bashiir waxuuna sheegay inuu ka shaqeyn doonoย sidii dalkaan looga gaarsiin lahaa isku filnaasho.
Dhinaca kale Gudoomiyaha ย Cusub ayaa kullan isbarasho la qaatay qaar kamid ah Shaqalaaha Bankiga dhexe, laguma Sagootinayay Gudoomiyhii hore ee Bankiga dhexe waxaana guud ahaan lagu bogaadiyay waxqabadkii uu u haayay ย ummadda Soomaaliyeed .
Marwo Mayanย Cabdullaahi Gudoomiye ย ku-xigeenka Bankiga dhexe ย ayaa sheegtay in gacmo furan ay kusoo dhaweynayaan gudoomiyaha shaqaalahana ay yihiin dhalinyaro Xirfad uleh shaqada Bankiga dhexe .
Guddomiyaha Cusub ee Bankiga dhexe Cabdiraxmaan Maxamed Cabdullaahi ayaa balan qaaday in Shaqo hufnaan leh uu la imaan doono wuxuuna shaqaalaha ku dhiira geliyay in qof kasta si cadaalad ah u shaqeeyo .
