Madaxweynaha Hirshabeelle, Maxamed Cabdi Waare, ayaa waxgaradka Beelaha Gobolka Hiiraan ugu baaqay in ay joojiyaan colaadaha soo laa-laabta, wuxuuna sidoo kale ka tacsiyeeyay Dadka ku dhintay , isagoo kuwa dhaawaca ahnaย u rajeeyay caafimaad qab.
Mudane; Waare, ayaa ku tilmaamay dagaal Beeleedyada ku soo noq-noqday degaanno hoos yimaadda Degmooyinka Maxaas iyo Matabaan ee Gobolka Hiiraan in ay yihiin kuwo fidno ah oo aanan la aqbali karin
Related posts
Madaxweynahaย ayaa tilmaamay in Hirshabelle ay diyaar u tahay in ay Gacan ka geysato wax walba oo sababi kara in dagaalladaasi lagu joojiyo, isagoo intaa raaciyay in dagaal Beeleedyada soo noq noqday ay yihiin kuwa taageero siinaya argagaxisada Al-Shabaab oo dadkeenna u diiddan nabad.
โColaado leh muuqaal Qabiil, balse aysan siyaasadi ka marnayn ayaa ku soo laalaabtay Hirshabelle, waxaana ku baaqayaa ย Odayaasha, Culumaaโudiinka iyo siyaasiyiinta Hirshabelle kasoo jeeda inay u istaagaan joojinta colaadahaas,โ ayuu yiri Madaxweyne Waare.
Madaxweyne , Waare, ayaa ku baaqay in xabbada la joojiyo si dhuruud laโaan ah, wixii ay dhinacyadu isku hayaanna si nabad ah lagu dhameeyo, wuxuuna sidoo kale soo jeediyay in Beelaha ay diritu ka dhaxeyso isu sheegtaan tabashadooda, ย dabeedna ay iska raalli geliyaan waxyaabaha ay kala tabanayaan.
Madaxweynaha Hirshabelle, Maxamed Cabdi Waare ,ayaa sheegay ย inay soo arkeenย dhibaatada ay colaaddu leedahay, balse loo baahanyahay in laga wada shaqeeyo nabadda.
