Matabaan-(Radio Muqdisho)-Taliska Booliska Degmada Matabaan ee Gobolka Hiiraan ayaa billaabay howlo is-xilqaan ah oo dayactir iyo dhismo cusub loogu sameynayo Saldhigga Booliiska ee Degmada.
Taliyaha Ciidanka Booliiska Degmada Matabaan, Dhamme; C/fitaax Maxamed Jaamac (Fooneeye), oo hoggaaminayay dib u dhiska Saldhigga ayaa Warbaahinta Qaranka u sheegay in ay ka shaqeynayaan dib usoo celinta doorkii uu Boliisku ku lahaa Bulshada dhexdeeda.
Dhamme; Fooneeye, ayaa sidoo kale shrrgay in ay howl-geliyeen Ciidanka Booliska si loo adkeeyo ammaanka Degmada loona fuliyo adeegyada kala duwan ee ay Shacabku u baahan yihiin.
Taliska Boliiska Degmada Matabaan oo howsha lagu wareejiyay 5-tii Bishan ayaa durba hirgeliyay baro Koontarool oo amniga laga sugo laguna baaro Gaadiidka noocyadiisa kala duwan.
Taliye; C/fitaax Maxamed Jaamac (Fooneeye), ayaa sheegay in howlaha dib u dhiska iyo sugidda nabad gelyaduba ay kaalin mug leh ka qaateen Shacabka reer Matabaan, wuxuuna ugu baaqay in ay dedaalladooda sii Laba laabaan.
Maxamed Deeq
