Waxaa magaalada Muqdisho laga fuliyay horumaro dhinacyada dib u dhiska waddooyinka magaalada ah, iyadoo intooda badan waddooyinka muhiimka ah ee burbursana uu dib u dhis iyo dayactir ku sameeyay Maamulka Gobolka Banaadir oo kaashanaya maamulada degmooyinka
Waddooyin muhiim u ahaa isusocdka dadka iyo gaadiidka ayaa waxaa lagu guuleystay in dayactir iyo dib u dhis lagu sameeyay, taasi oo ay ka qeyb qaateen maamulada degmooyinka Gobolka banaadir waxaana mashaariicdan dayactirka iyo dib u dhisla loogu sameeyo wadooyinkaasi ay qeyb weyn ka qaadanayaan soo celinta bilicda caasimadda magaalada Muqdisho
Iyadoo ay jiraan horumarada dib looga dhisayo wadooyinka halbowlaha u ah caasimadda ayaa hadana waxaa jira waddooyinka qaar oo aan helin dib u dhis iyo dayactir, waxaana ay sheegeen qaar ka mid ah maamulada degmooyinka in ay wadaan howlaha dib loogu dhisayo waddooyinka aan helin dayactirka ee haatan bur bursan
Guddoomiye ku-xigeenka dhinaca arrimaha bulshada degmada Waaberi ee gobolka Banaadir Cali Cabdiqaadir Faarax ayaa ka hadlay muhiimadda ay leedahay howlaha dib loogu dhisayo waddooyinka.
Guddoomiyaha Degmada Waaberi ee Gobolka Banaadir Cabdicasiis Cisman Jaamac ayaa sheegay in ka maamul ahaan wadaan qorshe cusub oo dib u dhis loogu sameynayo waddooyinka aan dayactirneen, wuxuuna ugu baaqay bulshada in ay ilaashadaan waddooyinka hadda la dhisay.
Muddooyinkan ayaa maamulka Gobolka Banaadir waxa uu waday howlo dib u dhis iyo dayactir lagu sameynayo guud ahaan waddooyinka dhexmara caasimadda magaalada Muqdisho.
W/D: Ustaad Muuse Abtow
