Khasaaraha ka dhashay Roobki ka Da’ay magaalada Qardho ayaa isasoo taraya iyadoona la helay Meydadka shan ruux oo saddex kamid ah carruur tahayย lana geeyey Isbitaalka guud ee Magaalada Qardho.
Sida lay xaqiijiyey, dad kale ayaa la la’yahay oo aan ilaa hada dhimasho iyo nolal midna loo xaqiijin, guryo iyo goobo-ganacsi oo badan ayaa burburay, waxaana jira qoysas badan oo shalay guryo ku jiray maantase banaan yaal ah, kaddib daad xoogleh oo xalay qarqiyey magaalada Qardho.
Related posts
Dadka dhintay waxaa kamid ah hooyo iyo laba carruur ah oo walaalo ah sida ay noo xaqiijiyeen masuuliyiinta Isbitaalka wayn ee Qardho.
Afar tog oo magaalada dhex mara ayaa dhammaantood Biyo Xoog leh soo rogay kadib roobababkii Guga oo saacado is xigay ka da’ay Qardho waana taasi mida dhalisay khasaarahan kala duwan.
Isku socod aan badnayn ayaa ka jira jidka Qardho iyo Boosaaso, mana aysan jabin buundada Qardho oo cabsi wayn laga qabay badqabkeeda hadii ay jabi lahaydna ay kala xirmi lahaayeen Deegaanada Puntland.
