Wasiirka Wasaaradda Waxbarashada Hiddaha iyo Tacliinta Sare Mudane Cabdullaahi Goodax Barre ayaa habka adeegga casriga ah ee Internet (Zoom) kulan kula qaatay masuuliyiinta Dalladaha Waxbarashada Dalka.
Wasiirku waxa uu warbixin ka siiyay dadaallada ay Wasaaradda Waxbarashada ugu jirto ka hortagga saameynta cudurka COVID-19 ee xagga Waxbarashada, waxa ayna ka wada hadleen Imtixaanka Qaranka ee Dugsiga Sare oo ay si lamid ah uga tala gelin doonaan dhammaan bahda Waxbarashada qeybaheeda kala duwan.
“Waxaan maanta habka adeegga casriga ah ee Internet (Zoom) kulan kula qaatay mas’uuliyiinta Dalladaha Waxbarashada Dalka. Waxaan warbixin ka siiyay dadaallada Wasaaradda ugu jirto ka hortagga saameynta cudurka COVID-19 ee xagga Waxbarashada, waxaan ka wada tashannay Imtixaanka Qaranka ee Dugsiga Sare oo aan si lamid ah uga tala gelin doonno dhammaan bahda waxbarashada qeybaheeda kala duwan”.ayuu yiri Wasiir Goodax Barre.
