Tartan cilmiyeedka bisha Ramadaan oo galay sanadkii sagaalaad oo ay qabaneyso Warbaahinta Qaranka, isla markaana si toos ah looga daawanayo Telefishinka Qaranka, lagana dhageysto Idaacadda Radio Muqdisho habeen waliba ayaa waxaa caawa kulankiisa Todobo iyo Tobnaad oo ah wareegga labaad ku tartamay tartameyaasha Degmooyinka Dharkeyley Vs Jilib oo ka kala tirsan Gobollada Benaadir iyo Jubbada Dhexe, waxaana barnaamijka sanadkii todobaad oo xiriir ah taabagelineya Maamulka Gobolka Benaadir.
Tartameyaasha labada degmo ee Dharkeynley Vs Jilib ayaa muujiyey tartan aad u adag, isla markaana ahaa mid xiiso gaar ah xambaarsan, iyagoo soo bandhigay aqoon iyo asluub wanaag labada dhinac.
Dharkeynley
Tartameyaasha Degmada Dharkeynley ee gobolka Benaadir waxaa la weydiiyey todobo Su’aal, waxa ay ka jawaabeen Afar su’aal, waxaana ay iska qaldeen saddex su’aal, Waxa ay ka faa’iideysteen Hal su’aal oo soo hareermartay Jilib, sidaa darteed wadarta guud ee dhibcaha tartameyaasha Degmada Dharkeynley ay heleen waxay noqotay Toban (10) dhibcood.
Jilib
Tartamayaasha Degmada Jilib ee Gobolka Jubbada Dhexe waxaa dhankooda la weydiiyay todobo su’aal, waxa ay ka jawaabeen Afar su’aal, iyagoo iska qalday Saddex su’aal, waxa ay ka faa’iideysteen Hal su’aal oo soo hareer martay tartamayaasha Degmada Dharkeynley, sidaasi darteed wadarta guud ee dhibcaha ay heleen tartameyaasha Degmada Jilib waxay noqotay toban (10) dhibcood.
Tartanka oo caawa ahaa mid aad u adag ayaa labada degmada waxa ay isla dhaafi waayeen bar baro, wasxaana lagu daray su’aalo dheeraad ah si loo kala saaro, waxaana su’aalihii lagu daray ay tartamayaasha Degmada Dharkeynley ay ka faa’iideysteen su’aashii la weydiiyay halka tartamayaasha degmada Jilib ay iska qaldeen, sidaas ayaana Dharkeynley ay ku heshay 14 dhibcood, halka ay Jilib layimaadeen 12 dhibcood.
Tartamayaasha Degmada Dharkeynley ee Gobolka Bemaadir ayaa caawa u soo gudbay wareegga saddexaad ee tartanka.
Habeen dambe haddii uu Alle idmo oo ah habeenka sideed iyo tobnaad ee tartanka, waxaa la qaban doonaa ilaa iyo labo tartan oo ay isku arki doonaan, tartamaayasha degmooyinka Garbahaareey Vs Shibis oo ka kala tirsan Gobolada Gedo iyo Benaadir, halka qeybta dambe ay tartami doonaan Kismaayo iyo Hodan oo ka kala tirsan Gobollada Jubbada Hoose iyo Benaadir.
