Galabnimadii 21-ka May,2020 ayay unug ka tirsan ciidanka gaarka ah ee Danab hawlgal qorsheysan ka fuliyeen meel u dhaw tuulada Leego si loo burburiyo isbaaro ay baad ku qaadayeen kooxda argagaxisada ah ee Al shabaab.
Kumaandooska Danab oo ay la shaqeynayeen Ciidanka xoogga ayaa dilay Seddex kama mid ahaa maleeshiyaadka Al shabaab, iyaga oo burburiyay isbaaradii ay baadda ku qaadayeen.
Al shabaab ayaa mudooyinkii danbe sii kordhiysay baada iyo hanjabaadda ay ku hayaan shacabka ku nool degaanada ay ku dhumaleeysanayaan si ay u helaan lacago ay kusii wadaan falalkooda argagaxiso maadaama ay waayeen meel kale oo ay dhaqaale ka helaan.
Hawlgalkan oo ay ka wadafuliyeen ciidanka Danab iyo qaybo ka tirsan ciidanka Xoogga Dalka meel u dhaw Leego ayaa qeeyb ka ah baacsiga lagu soo af jaraya haraadiga argagixisada ee ku dhumaleeysanaya qeybo ka mid ah degaanada dalka.
