Munaasabad lagu soo dhaweynayo madaxweynaha dowlad gobaleedka galmudug iyo wafdi balaaran oo uu hogaaminayo oo maalamahaan socdaal nabadeed ku marayay deegaanada maamulka Galmudug ayaa ka socota magaalada Guriceel ee gobalka Galgaduud.
Ammaanka magaalada Guriceel ayaa aad loo adkeeyay si loo xaqiijiyo nabadgalyada magaalada waxaana la dhigay wadooyinka Soo gala Ciidamada xooggan.
Gudoomiyaha degmada Guriceel ee gobalka Galguduud Faarax Cabdi Macalin oo lahadlay Radio Muqdisho ayaa tilmaamay in ay diyaariyeen gooba loogu talagalay soo dhaweynta madaxweynaha iyo wafdiga uu hogaaminayo.
Madaxweynaha ayaa inta uu ku suganyahay Giriceel kulamo la qaadan doono qeybaha kala duwan ee bulshada degmada, waxayna noqondoonataa halka Madaxeynaha uu ku soo gabagabeeyndoona safarkii nabadeed ee uu ku marayay deeganada Galmudug.
