Tirada kiisaska la xaqiijiyay ee uu asiibay cudurka Corona Virus ee adduunka oo dhan ayaa kor u dhaafay 13 milyan, iyada oo wali waxyeeladiisa ay kusii faafeeyso qeeybo kamid ah Caalamka.
Sidokale Dalal badan ayaa dhawaan ku dhawaaqeen in ay marayaan heerkoodii ugu sarreeyay ee uu sababa xanuunkan.
Sida laga soo xigtay madasha tirakoobka ee loo yaqaana World Mit oo isha ku haysay faafitaanka xanuunkan Covid-19 ayaa ku dhawaaqday in 13 milyan iyo 40,000 oo xaaladood ay diwaan galiyeen tan iyo markii virus-kan uu ka soo if baxay Shiinaha dabayaaqadii sanadkii hore.
Tirada dhimashada ayaa kor u dhaaftay 570,000, halka 7.6 milyan oo qofna ay soo kabsadeen sida laga soo xigtay World Mit.
Waxyeelada ugu badan ee xanuunkan ayaa laga diiwaan geliyay wadamada Shiinaha, Mareykanka, Brazil, India ,South Africa iyo wadama kale, sida laga soo xigtay Ururka Caafimaadka Adduunka.
Mas’uuliyiinta caafimaadka ee Hindiya ayaa ku dhawaaqay manta in ay dejinayaan rikoor cusub oo ah tirada maalinlaha ah ee ku dhaca fayraskan Corona, maadaama 13-kii bishaan ay shaaciyeen 24 saac gudahood la diwaan galyay 28,701 oo kiisas cusub ah.
