Ra,iisul wasaare ku xigeenka dalka mudane Mahdi Maxamed Guuleed (Khadar) ayaa magaalada Muqdisho ee caasimadda dalka maanta ka daahfuray imtixaanka shahaadiga dugsiga sare oo ay qaadeyso wasaaradda waxbarashada xukuumadda federaalka Soomaaliya.
34,600 (Soddon iyo afar kun iyo lix boqol) oo Arday ayaa ufariistay imtixaamka Shahaadiga ah ee ay qaadeyso dowladda soomaaliya, kaas oo ka furmay gobolka Banaadir iyo gobollada Dalka.
Ra,iisul wasaare ku xigeenka dalka Mahdi Maxamed Guuleed ayaa ardayda ku boggaadiyay dadaalkooda ku aaddan dhanka waxbarashada isagoo u rajeeyay in ay guul ka gaaraan imtixaanka.
Illaa 112 (boqol laba iyo toban) goobood oo dalka ah ayeey saaka ardayda fasalka F4 ama 12-aad ee dugsiga sare ku gelayaan imtixaanka shahaadiga oo ah kii lixaad oo ay qaadeyso dowladda Soomaaliya.
