Wasiirka Warfaafinta, Dhaqanka iyo Dalxiiska Soomaaliya mudane Maxamed Cabdi Xayir “ Maareeye”, Wasiir ku-xigeenka Wasaaradda Mudane Aadan Isaaq, Agaasimaha guud ee Wasaaradda warfaafinta Mudane Cabdiraxmaan Yuusuf Sheekh Al-Cadaalla,maamulka iyo dhammaan shaqaalaha Wasaaradda ayaa ka tacsiyadeeyay geerida ku timid Alle ha u naxariistee Axmed Caamir oo ahaa Aabaha dhalay Xafso Axmed Caamir oo ka mid ah shaqaalaha Wakaaladda Wararka Qaranka Soomaaliyeed ee SONNA,kaas oo caawa fiidkii ku geeriyooday Muqdisho.
Waxayna mas’uuliyiinta Wasaaradda Warfaafinta Xukuumadda Soomaaliya si gaar ah tacsi ugu direen Xafso Axmed Caamir oo ka mid ah shaqaalaha SONNA,iyagoo Alle uga baryay inuu ka waraabiyo Jannatul Fardowsa, samir iyo iimaana ka siiyo Qoyskii iyo Qaraabadii uu ka tegay Marxuumka.
Alle ha naxariistee Aabe Axmed Caamir ayaa maalmihii u dambeeyay ku xanuunsanayay magaalada Muqdisho.
