Siihayaha Wasiirka Wasaaradda Ganacsiga iyo Warshadaha Soomaaliya Mudane Inj. Cabdullaahi Cali Xasan, ayaa maanta Guddoomiyey shir loogga doodaayey Hindise Sharciyeedka Laysimada Ganacsiga oo muddooyinkii dambe ay gacanta ku haysay Wasaaraddu, kaasi oo soo maray maraaxil kala duwan oo iskugu jira la-tashiyo lagala soo sameeyey ganacsatada, sharci-yaqaanada iyo hay’adaha dawladda.
Shirkan oo ay ka soo qeyb-galeen La-taliyeyaasha iyo Agaasime Waaxeedyada Wasaaradda, ayaa ugu horreyn, waxa aad looga dooday qodobo ka mid ah sharcigaasi oo muhiim ah, kuwaas oo ay mas’uuliyiinta Wasaaraddu ka talo-bixiyeeen.
Waxa kale oo halkaas la isku raacay in maadaama uu sharcigu dhammeystiranyahay si deg-deg ah loo saxar-tiro loona gudbiyo Golaha Wasiirada Soomaaliya si marka dambe looggu gudbiyo Baarlamaanka Soomaaliya.
