Howlgalka ayaa ka dhacay duleedka degaanka Bariire ee gobolka Shabellada Hoose waxayna Ciidanka Xoogga Dalka ku dileen Madaxii Hoobiyaasha Al-Shabaab u qaabilsanaa Gobolka iyo tiro Maleyshiyaad ah
Taliyaha Ururka 143 ee Ciidanka Xoogga Dalka Soomaaliya Dhamme Axmed Xasan Siyaad oo la hadlay Idaacada ciidamada qalabka sida ayaa sheegay in Howlgalka uu ahaa Mid qorsheysan isla markaana lagu dilay Maleyshiyaad ka tirsan Nabadiidka Al-shabaab iyo Madaxii Hoobiyaasha kooxda
Dhamme Axmed xasan Siyaad waxa uu sheegay in Howlgalka lagu dilay ku dhawaad 17 ka tirsan Nabadiidka Al-shabaab iyo Horjoogihii Hoobiyaasha Nabadiidka.
Taliye Axmed ayaa Magaca Horjoogaha la dilay ku sheegay Abuu Nuur Mukhtaar oo ku magac dheer gaabshe isagoona Nabadiidka u qaabilsanaa heynta iyo tuurista hoobiyaasha
