Fulinta Duqeeyntan oo ay iska kaashadeen ciidanka xoogga dalka iyo saaxiibadooda caalamka ayaa waxaa lagu dilay sadax horjooge oo katirsan maleeshiyaadka argagixisada ee Al-Shabaab.
Duqeeynta ayaa maalin ka hor ka dhacday tuulooyinka Tawakal iyo Ugunji, oo hoostaga degaanka Janaale ee gobolka shabeelaha hoose.
Sida ay warbaahinta Qaranka u sheegeen saraakiisha ciidanka xoogga dalka ee kusugan degaanka Janaale.
Horjoogayaasha duqeeynta lagu dilay ayaa waxaa kamid ah Khaalid Cabdulaahi, oo ahaa horjoogihii u qaabilsanaa Al-Shabaab, canshuuraha deganaada hanti wadaag ee gobolka shabeelaha hoose iyo Macalin yuusuf, oo ahaa horjoogihii amniyaadka argagixisada gobolka shabeelaha hoose iyo horjooge kale oo aan magaciisa la helin.
Saraakiisha ciidanka xoogga dalka ee kusugan degaanka Janaale, ayaa intaasi kudaray in isla duqeeyntan kudhinteen 5 maleeshiya ah oo horjoogayaashan la dilay lajoogay.
