Tartan cilmiyeedka bisha Ramadaan oo galay sanadkii 11-aad oo ay qabaneyso Warbaahinta Qaranka, isla markaana si toos ah looga daawanayo Telefishinka Qaranka, lagana dhageysto Idaacadda Radio Muqdisho ayaa waxaa caawa kulankiisaย 17aad ee wareegga Labaad ku tartamay Degmooyinka Jilib Vs Dharkeynley oo ka kala tirsan Gobollada Jubbada Dhexe iyo Banaadir, waxaana barnaamijka sanadkan taabagelinaya Bangigaย IBS.
Tartameyaasha labada degmo eeย Jilib Vs Dharkeynley ayaa muujiyey tartan aad u adag, isla markaana ahaa mid xiiso gaar ah xambaarsan,ย iyagoo soo bandhigay aqoon iyo asluub wanaag labada dhinac inta uu tartanku socday.
Related posts
Jilib
Tartameyaasha Degmada Jilib ee Gobolka Jubbada Dhexe waxaa la weydiiyey todobo Suโaal, todobadii suโaal ee la weydiiyay waxa ay ka jawaabeen Afarย suโaal, halka ay iska qaldeen Saddex ย suโaal, waxa ay ka faaโiideysteen Labo suโaal oo soo hareermartay tartamayaasha Degmada Dharkeynley, sidaa darteed wadarta guud ee dhibcaha tartameyaasha Degmada Jilib ay heleen waxay noqotay Labo iyo tobanย (12) dhibcood.
Dharkeynley
Tartamayaasha Degmada Dharkeynley ee Gobolka Banaadir waxaa dhankooda la weydiiyay todobo suโaal, waxa ay ka jawaabeen Saddex suโaal oo kaliya, waxa ay iska qaldeen Afar suโaal, ma jirin wax ka faaโiideysi ah oo ay heleen tartameyaasha Degmada Dharkeynley, sidaasi darteed wadarta guud ee dhibcaha ay heleen tartameyaasha Degmada Dharkeynley waxay noqotay Lix (6) dhibcood.
Hadaba kulankiiย 17aadย ee tartan Cilmiyeedka bisha Ramadaan ee Warbaahinta Qaranka caawa waxaa wareegga 3aad u soo gudbay tartamayaasha Degmada Jilib ee gobolka Jubbada Dhexe,ย ayadoo gebagebadii ay labada tartame isugu hambalyeeyeen guushaasi.
Habeen dambe oo ah habeenkaย 18aadย ee tartan Cilmiyeedka bisha Ramadaan ee Warbaahinta Qaranka waxaa ku tartami doona Afar degmo, waxaa qevbta koowaad is arki doona degmooyinka Kismaayo iyo Hodan oo ka kala tirsan Gobollada Jubbada Hoose iyo Banaadir, halka qeybta Labaad ay ku tartami doonaan degmooyinka Xamar weyne iyo Boondheere oo ka wada tirsan Gobolka Banaadir.
Sawir Qaade: Khadar Cali Nuur
