Agaasimaha Guud ee Qeybta Maamulka iyo Maaliyadda Gobolka Banaadir iyo Guddoomiyaha degmada Heliwaa ayaa maanta degmada Heliwaa ka daahfuray Barnaamijka daadejinta Adeegyada Bulshada ee Gobolka Banaadir.
Adeegan ayaa Bulshada ku dhaqan degmada Heliwaa u saamaxaya in ay hadda kadib Shatiyada Ganacsiga, Diiwaangelinta Guryaha, Fasaxa Dhismaha, Dukaamada iyo Dabakaayooyinka ka heli karaan degmadooda, halkii ay markii hore u soo aadi jireen Aqalka Dowladda Hoose ee Xamar.
Waxa kale oo Munaasabada Goobjoog ka ahaa Agaasimaha Guud ee Dakhliyada Dowladda Hoose iyo ku simaha Agaasimaha Waaxda Adeegyada Dowladda Hoose ee Xamar.
Guddoomiyaha Degmada Heliwaa Cabdixakiin Cumar Cabdulle ayaa sheegay in tani ay tahay wax lagu in bulshada degmada ay adeegyada aas aasiga ah ka heli doonaan xarunta degmadooda, looguna adeegi doono si hufnaan iyo daacadnimo ay ku jirto.
