Agaasimaha Hiddaha iyo Tacliinta Sare ahna Kusimaha Agaasimaha Guud ee Wasaaradda Waxbarashada, Hiddaha Iyo Tacliinta Sare Xukuumadda Federaalka Soomaaliya, mudane Ismaaciil Yuusuf Cusmaan ayaa soo xiray shir laba maalin socday oo u dhaxeeyay Wasaaradda Waxbarshadda Waxbarashada Soomaaliya oo kaashaneysa Wasaaradda Shaqada, Arrimaha Bulshada Xukuumadda Federaalka Soomaaliya iyo Wasaaraddaha Shaqada iyo Waxbarshadda Dowladdaha Xubnaha ka ah Dowladda Federaalka Soomaaliya iyo Maamulka Gobolka Banaadir, kaasi oo lagu falanqeynayay siyaasadda Qaran ee Xirfadaha Shaqada iyo farsamada gacanta.
Shirkaan ayaa waxaa si wada jir ah usoo agaasimay Waaxda Waxbarshadda dadban iyo Farsamada gacanta ee Wasaaradda Waxbarshada, Hiddaha iyo Tacliinta Sare Soomaaliya, iyo Waaxda Xirfadaha iyo Farsamada gacanta Wasaaradda Shaqada iyo Arrimaha Bulshadda Soomaaliya, waxaana uu ku soo dhamaaday is afgarad buuxa, iyadda oo lagu balamay in lasii joogteeyo kulamada Nuucaan ah si loo turxaan bixiyo hadba caqabadaha ka yimaada hirgelinta siyaasada Qaran ee Xirfadaha Shaqada iyo Farsamada gacanta.
Waxaa kulanka hadala kasoo jeediyay agaasimaha Waxbarshada Dadban iyo Farsamada Gacanta Wasaaradda Waxbarshadda, Hiddaha iyo Tacliinta Sare Xukuumadda Federaalka Soomaaliya Cabdicasiis Nuur Maxamed iyo Agaasimaha xirfadaha iyo Farsamada gacanta Wasaaradda Shaqada iyo Arrimaha Bulshada Mudane Maxamed Xasan Haanbe, waxayna si wadajir ah shirka uga sheegeen in ay siyaasadda Qaran ee Xirfadaha iyo Farsamada gacanta hadii la hergeliyo ay fursado shaqo u abuuri doonto jiilasha soo koraya, waxayna rajo ka muujiyeen in dhawaan dalka laga hirgeliyo iskuulo farsamada gacanta iyo Xirfadaha ah.
