Madaxweynaha Koonfur Afrika Cyril Ramaphosa, ayaa isku shaandheyn ku sameeyay Goleaha wasiiradda kadib markii dalkaasi ay ka dhaceen rabshado ay ku dhinteen in ka badan 350 qof.
Khudbad uu telefishinka ka jeediyay Khamiistii, ayuu Madaxweynaha Koonfur Afrika ku sheegay in uu gabi ahaanba baabi’inayo wasaaradda amniga isla markaana uu mas’uuliyadda siyaasadeed dusha ka saaray hay’adda sirdoonka ee xafiiskiisa.
Isku shaandheynta ayaa isugu jirtay magacaabista 10 wasiir oo cusub iyo 11 wasiir ku xigeen.
Kumanaan meheradood ayaa la bililiqaystay oo la burburiyay dhawr maalmood, taas oo dawladda ku qasabtay in la geeyo 25,000 oo Askari si ay gacan uga geystaan soo celinta kala dambaynta iyo Amaanka gudaha.
