Wasaaradda Qorsheynta, Maalgashiga iyo Horumarinta dhaqaalahaย Dowladda Federalka Soomaaliya ayaa maanta ka daah-furtay magaalada Kismaayo shirka wada-tashiga qorshe howleedka 2021-2022 ee Istaraatiijiyadda Qaran ee Xalka Waara ee dowlada gobaleedka Jubaland.
Wada-tashiga oo socon doonnaย saddex cishoย waxaa diirradda lagu saarayaa diyaarinta qorshe howleedka Istaraatijiyada xalka waara ee dowlad gobaleedkaย Jubaland, oo ay ka qeybย galeenย Wasiir ku xigeenka Wasaaradda Qorsheynta Jubaland, Mudane Maxamed Cusmaanย Jaamac, Agaasimaha Xafiiska xalka waara ee Wasaaradda Qorsheynta Qaranka Marwo Sahra Cabdi Maxamed, masuuliyiin k socday Urur gobaleedka IGAD,ย xubna ka socda Wasaraadaha iyo hayโadaha ay quseeyso ee dowlad goboleedka Jubaland.
Shirka wada-tashigaย waxaa lagu gorfaynayaaย wax ka qabashada mushaakilaadka kala duwan ee dabiiciga ah sida abaaraha, Colaadaha iyo fatahaadahaย oo ah kuwa sababa in dadku barakacaan.
Marwo Zahra Cabdi Maxamed Agassimaha Xafiiska Xalka waara ee Wasaaradda Qorshaynta Qaranka ayaa faah-faahisay hadafyada uu xabaarsan yahay wadatashiga saddexda cisho ah ee ka bilowday maantay dowlad gobaleedka Jubaland.
โWaxaa farxad noo ah in aan soo gaarno Dowlad Goboleedka Jubaland oo noqonaya dowlad goboleedkii saddeexaad intii aan ku jirnay howsha diyaarinta Qorshe Hawleedka sanadlaha ah ee Dowlad Goboleedyada dalka aan u samaynaynay. Si loo fuliyo Istaraajiyaddaย Xalka Waara ee Qaranka (2020-2024) waxaa lagama maarmaan ah in la diyaariyo Qorshe Hawleed sanad leh ah ee Xalka Waara wax looga qabanayo oo uu yeelan doono Dowlad Goboleed walbaโ ayey tiri Agaasime Sahra Cabdi.
Wasiir ku xigeenka wasaaradda Qorsheynta Jubalandย Mudane Maxamed Cusmaanย Jaamac ayaaย sharaxay muhiimadda ay u leeyihiinย Istaraatiijiyadda Qaran ee Xalka Waara ee dowlada gobaleedka Jubaland ee 2021-2022.
โMaantay waxaan u fadhino waaย diyaarinta qorshe howleed sanad leh ah oo laga samaynayo dowlad goboleedka Jubaland, taas oo shirka looga goleeyahay in xal rasmi ah looga gaaro xaaladda barakacaayasha dowlad goboleedka Jubaland, maadaama Jubaland tahay maamulka ay ku soo barakeceen dadkii ugu badnaa. Saraakiisha dowladda iyo hayโaddaha shirka fadhiya waa dadkii ugu mudnaaย si ay u soo gudbiyaan Qorshe Howleed ku salaysan baahiyaha ay leeyihiin bulshada barakacday iyo kuwa dalka dib ugu soo laabanaya. Waxaa la idinka rabaa in aad maskaxdiina tuujisaan mudada saddexda cisho ah ee wadatashigu socdo si aad uga soo saartaan Qorshe Hawleed la gaari karo oo rasmi ahโ Ayuu yari Wasiir Maxamed.
Xafiiska Xalka waara ee Wasaaradda Qorsheynta Qaranka waxaa ka taageerayaa barnaamijkaan Urur gobaleedka Igad-DRDIP iyo Baanka Aduunka (WorId bank). Iyada oo gaba-gabada wada-tashigaย kasoo baxaanย qorshe howleedka sanadka 2021-2022 ee gobaleedka jubbaland, tasoo waxtar u noqanayo sidii xal waara looga gaari lahaa Arrimaha muhiimka ee kor ku xusan.
