Wasiiro ka tirsan Dowlad Goboleedka Galmudug iyo Maamulka Magaalada Dhusamareb ayaa Qoysas abaartu saameysay ku booqday deegaanka Xananleey oo hoostaga Dhusamareb, iyagoo ka dhagaystay duruufaha nololeed ee ay wajahayaan.
Dadka halkan ku nool oo ay ku jiraan qoysas abaarta ku xoolo beelay iyo kuwo haatan wajahaya biyo yari ayaa Mas’uuliyiinta soo booqatey u sheegay in ay u baahan yihiin kaalmo degdeg ah oo ay barbar socdaan adeegyada bulshada sida Caafimaadka, biyaha iyo Waxbarashada.
Kadib dhageysiga cabashada dadkan ayuu Guddoomiyaha Dhuusamareeb Macalin Cabdiraxmaan Geedaqoroow sheegay in maamulku diyaar u yahay taakuleynta qoysaska tabaaleysan.
Wasiiru dowlaha Wasaaradda Waxbarashada ee Dowlad Goboleedka Galmudug, Mursal Cabdi Aadan iyo Wasiiru dowlaha Caafimaadka Galmudug Axmed mirre faafaale ayaa dhankooda balan qaadey inay ka jawaabayaan adeegyada kaga aadan baahida bulshada deegaanka Xananleey u soo bandhigeen.
Xananleey oo ka mid ah deegaannada soo koraya ee hoostaga Dhuusamareeb ayaa muddoooyinkan dambe at dadkeedu ka cabaneeyn biyo yari, iyagoo bulsho ahaan bilaabey dhismaha xarumaha adeegga bulshada sida iskuul iyo goob Caafimaad.
