Wasiirka Gaadiidka Iyo Duulista Hawada Xukuumadda Soomaaliya Mudane Duraan Axmed Faarax ayaa maanta dhagax dhigay goob baabuurta la dhigto oo uu yeelanayo garoonka Aadan Cabduulle ee Muqdisho.
Waxaa Musaasanadan dhagax dhiga ka qayb galay Maareeyaha Garoonka, Maareeyaha SCAA, Agaasimaha guud ee Wasaaradda Gaadiidka, saraakiisha Taliska booliiska iyo AMISOM.
Wasiirka Gaadiidka iyo Duulista Hawada Duran Farah ayaa sheegay in goobtan cusub ee Garoonka laga hirgelinayo uu muhiimad u leeyahay gaadiidleyda garoonka imaata, waxaana uu yaraynayaa saxmadii ka dhalan jirtay waddooyinka Garoonka laga soo galo.
Wasaaradda Gaadiidka iyo Duulista Hawada Soomaaliya waxaa ka go’an tayaynta adeegyada ay soo shacabka Soomaaliyeed.
