ka dib markii ay soo baxeen warbixin ku saabsan in Ciidamada Ruushka ay horay u isticmaaleen Hubka kiimikada ah inta uu socday dagaalka Ukraine, ayaa keentay in madaxweynaha Mareykanka Joe Biden, uu markale Ruushka kaga digo adeegsiga Hubka Kiimikada ah ee halista badan.
Saraakiil Maraykan ah oo ka gaabsaday in magacooda la shaaciyo ayaa u sheegay Wargeeyska Politico inay diyaariyeen warbixinno ku saabsan suurtogalnimada in Ruushka uu damacsanyahay in uu isticmaalo hubka kiimikada ah.
Maraykanka iyo xulafadiisa ayaa laga yaabaa in cunaqabatayn dheeraad ah ay ku soo rogaan Moscow ama ay qaataan tallaabo kale oo ay ku xoojiyaan difaaca Ukraine, si loo wiiqo awoodda Ciidamada Ruushka.
