Bangiga Premier ayaa maanta daah-furay tartanka hal-abuurka ganacsiga oo uu markii ugu horreysay maanta Muqdisho ugu qabanayo ardayda dhigata jaamacadaha dalka ee leh hibada iyo halabuurka ganacsi.
Madaxa Ganacsiga Premier Bank Mudane Cabdishakuur Afrax oo madasha ka hadlay ayaa sheegay in ay tartanka soo codsadeen ilaa 31 hal-abuure oo uu bangigu u saaray guddi ku sameeyay qiimeyn hordhac ah. Ayna qiimeyntii guddiga ka soo gudbeen 12 hal-abuure oo ka kala yimid 10 jaamacadood, kuwaas oo maanta tartankaan loo daahfuray.
Madaxa Xiriirka Dadweynaha ee Bangiga Mudane Axmed-Nuur Maxamed ayaa sheegay in tartankan laga baahin doono qaar ka mid ah warbaahinta dalka, waxaana uu xusay in tartamaha gala kaalintaa koowaad uu bangigu ku abaalmarin doono $9,000 oo uu hal-abuurkiisa ganacsi ku maalgashado,Guuleystaha gala kaalinta labaad uu ku guuleysan doono $7,000 halka Tarmaha ku guuleysta kaalinta seddaxaadna uu heli doono $5,000.
Bangiga Premier Bank ayaa barnaamijkaan magaaladda Hargeysa ku qabanaya sannadkii shanaad waxaana maamulka Bank ay ballanqaadeen in muqdisho ay ku qaban doonaan sannad walba si loo dhiiri-galiyo ardayda la timaada hal abuura ganacsiga.
