Guddoomiye ku-xigeenka cusub ee Amniga iyo Siyaasadda Dhuusamareeb Cabdisamad Salaad Aadan ayaa goordhaw xilka kala wareegay Guddoomiye ku-xigeenkii hore Cabdi Xaashi Caroole.
Munaasabadda xil-wareejinta ayay ka qayb galeen Guddoomiyaha Gobolka Galgaduud Cilmi Cali Cabdi, Guddoomiyaha Dhuusamareeb Cabdiraxmaan Geedaqoroow, Agaasimaha Wasaaradda arrimaha Gudaha Galmudug iyo Mas’uuliyiin kale.
Guddoomiye ku-xigeenkii hore ee Amniga Dhuusamareeb Cabdi Xaashi ayaa mas’uul ka cusub u rajeeyay inuu si hufan u guto waajibaadka loo igmaday.
Gudoomiye ku-xigeenka cusub ee Amniga iyo Siyaasadda Dhuusamareeb Cabdisamad Salaad Aadan ayaa ka codsaday Maamulka iyo shacabka inay la shaqeeyaan.
