Guddoomiyaha Gobalka Hiiraan Cali Jayte Cusmaan oo ay wehliyaan Xildhibaan Maxamed Cabdiqaadir ,Iyo Xildhibaan Maxamed Burale,yaa kormeeray deegaanka Teedaan ee gobalka Hiiraan oo Maalintii shalay aheyd Ciidanka Xoogga dalka ay ka saareen kooxaha argagaxisada ah ee Al-Shabaab.
Wafdiga, ayaa indho-indheeyay qasaaraha baaxada leh oo kooxaha Khawaarijta ah ay u geysteen dadka shacabka, sida ceelashii biyaha oo ay ku xireen miinooyin isla markaana ay qarxiyeen iyo ateenooyinkii isgaarsiinta oo ay damiyeen.
Guddoomiyaha Gobalka Hiiraan, ayaa codsaday in gurmad deg deg ah lala soo gaaro dadka deegaanka oo ay dhibaatadda u geysteen kooxda argagaxisada ah ee Al-Shababa.
